მთავარისიახლეებისაზოგადოებაპარლამენტში დღეს გენერალური პროკურორის არჩევის ახალ წესთან დაკავშირებით განხილვა იწყება

პარლამენტში დღეს გენერალური პროკურორის არჩევის ახალ წესთან დაკავშირებით განხილვა იწყება

Published on

პარლამენტში დღეს გენერალური პროკურორის არჩევის ახალ წესთან დაკავშირებით განხილვა იწყება. საკონსტიტუციო ცვლილებებზე მსჯელობა პლენარულ სხდომაზე ერთ საათში დაიწყება.

პროექტს დასამტკიცებლად 113 დეპუტატის ხმა სჭირდება, რაც იმას ნიშნავს რომ ,,ქართულ ოცნებას” საკუთარი კანონპროექტის გასატანად რესურსი არ ეყოფა და ოპოზიციის დახმარება დასჭირდება.

მოსალოდნელია, რომ დღევანდელ პლენარულ სხდომაზე ხელისუფლების ოპონენტების გარკვეულმა ნაწილმა საპარლამენტო უმრავლესობის კანონპროექტს მხარი დაუჭიროს და პირველივე მოსმენით დაამტკიცოს.

,,ტვ პირველის” ინფორმაციით, გენპროკურორის არჩევის წესს მხარს უჭერს ყველაზე მსხვილი ოპოზიციური პარტია ,,ნაციონალური მოძრაობა”, ასევე ,,ლელო”, ,,გირჩი” და გახარიას გუნდი., თუმცა, არიან მოწინააღმდეგებიც.

პროკურორის არჩევის საკითხი იყო მოლაპარაკების თემა ოპოზიციასა და ხელისუფლებას შორის სხვა საკონსტიტუციო ცვლილებასთან ერთად, რაც ეხებოდა საარჩევნო ბარიერს. ეს იყო შეთანხმების საკითხი ხელისუფლებასა და ოპოზიციას შორის.

როცა ,,ოცნებამ” ეს ორი საკითხი გაყო ერთმანეთისაგან, დაარღვია პირობები, მას არ უნდა ჰქონდეს მოლოდინი, რომ სრულ მხარდაჭერას მიიღებს ოპოზიციისგან. – აცხადებს ხათუნა სამნიძე, ,,რესპუბლიკური პარტიის” ლიდერი.

აღნიშნულთან დაკავშირებით საკუთარი პოზიცია ჯერ არ დაუფიქსირებია ,,სტრატეგია აღმაშენებელს”. პარტიის ერთ-ერთი ლიდერი, პაატა მანჯგალაძე, აცხადებს, რომ შეიკრიბებიან, გაეცნობიან კოლეგების არგუმენტებს და გადაწყვეტილებას მოგვიანებით გაასაჯაროვებენ.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...