თბილისის მერიასთან სტუდენტებისა და სამოქალაქო აქტივისტების მიერ წინასწარ დაანონსებული აქცია მიმდინარეობს.
აქციის მონაწილეები თბილისის მერის კახა კალაძის გადადგომას ითხოვენ.
ეს მოთხოვნა მას შემდეგ გაჟღერდა, რაც 13 წლის მარიტა მეფარიშვილი თბილისში, ვაკის პარკის შადრევანში, დენის დარტყმის შედეგად გარდაიცალა. ~
მასთან ერთად დენმა კიდევ ორ მის თანაკლასელ ბიჭს დაარტყა, თუმცა მებაღე დევი მეზურნიშვილის ძალისხმევით, ისინი გადარჩნენ და ამ დროისთვის კლინიკიდან უკვე გაწერეს.