რუსეთში მობილიზაციასთან დაკავშირებული სკანდალური შემთხვევები გრძელდება. ამჯერად მორიგი კაზუსი უფაში მოხდა, სადაც აფრენამდე რამდენიმე წუთით ადრე მეორე პილოტს მობილიზაციის უწყება სამხედრო კომისარიატიდან პირდაპირ კაბინაში ჩააბარეს, რის გამოც რეისი გადაიდო.
საქმე ის გახლავთ, რომ პილოტმა გაწვევის უწყება უფრო ადრე მიიღო, მაგრამ სამხედრო კომისარიატში არ გამოცხადდა, ამის შემდეგ კი კომისარიატის წარმომადგენლები პირდაპირ კაბინაში დაადგნენ. რადგან მობილიზებულებს ქვეყნიდან გასვლა ეკრძალება, რეისი გადაიდო. თვითმფრინავი ანტალიაში მიფრინავდა.
მგზავრებს სალონში მეგაფონით მიმართეს: “მეორე პილოტის მობილიზაციისა და ქვეყნიდან მისი გასვლის აკრძალვის გამო, რეისი გადადებულია, გთხოვთ, დატოვოთ ლაინერის სალონი…”