„მიხელ სააკაშვილი უკრაინის მოქალაქეა და უნდა გათავისუფლდეს“. – ამ სიტყვებით მიმართა ევროსაბჭოს საპარლამენტო ასამბლეის სხდომაზე ევროპელ ლიდერებს შვედმა დეპუტატმა, რომლის ინიციატივაც, საბოლოოდ რეზოლუციაში ჩაიწერა და მას მხარი 93 დეპუტატიდან 56-მა დაუჭირა.

27 წინააღმდეგ შორის კი საქართველოს სახელისუფლებო პარტიაა. გივი მიქანაძე წარმოადგენა „ქართულ ოცნებას“ ამ სხდომაზე და მან ხმა ამ ინიციატივის წინააღმდეგ მისცა.

შვედმა დეპუტატმა თქვა, რომ მიხეილ სააკაშვილი, როგორც უკრაინის მოქალაქე და როგორც ყველაზე დიდი ოპონენტი ვლადიმერ პუტინის უნდა გათავისუფლდეს სხვა პოლიტიკურ პატიმრებთან ერთად.

მან მოუწოდა კოლეგებს სხდომაზე, რომელშიც უკრაინის პრეზიდენტი ვოლოდიმერ ზელენსკიც იღებდა მონაწილეობას, რომ მხარი დაეჭირათ ამ ინიციატივისთვის, თუმცა „ოცნების“ წარდგენილმა წარმომადგენელმა ეს მოწოდება არ გაითვალისწინა.

მმართველი პარტიის მხარდაჭერა არც რეზოლუციიის მთლიან პროექტს აქვს, სადაც რუსეთი ტერორისტულ სახელმწიფოდ არის გამოცხადებული.

„ძვირფასო კოლეგებო, ბატონი სააკაშვილი უკრაინის მოქალაქეა, უკრაინის მაღალჩინოსანი. ის პუტინის ოპონენტია. ვფიქრობ, რომ ის იყოს მოხსენიებული ამ დოკუმენტში. სწორედ ამ კონტექსტში და ის და სხვა პოლიტპატიმრები გათავისუფლდეს. ნახეთ, რამდენი ადამიანი უჭერს ამას მხარს – ლიდერები პოლიტიკური ჯგუფებიდან, ლიდერები დელეგაციებიდან. მოგიწოდებთ, მხარი დაუჭიროთ რეზოლუციაში ამ შესწორებას“. – თქვა შვედმა დეპუტატმა ბორიანა აბერგმა.