“ვაშინგტონში საქართველოსგან ნაკლები თანამშრომლობის სურვილს ხედავენ”- ლო,ჯარია

0
213

“ვაშინგტონში საქართველოსგან ნაკლები თანამშრომლობის სურვილს ხედავენ” – ამის შესახებ საქართველოს სახალხო დამცველმა, ნინო ლომჯარიამ განაცხადა, რომელიც ვაშინგტონში ოფიციალური ვიზიტით იმყოფება. “ამერიკის ხმასთან” ინტერვიუში მან აღნიშნა, რომ ამერიკაში საქართველოს მიმართ ერთგვარი იმედგაცრუება იგრძნობა.

“ამერიკისა და საქართველოს პარტნიორობა დაფუძნებულია ხალხთა შორის ურთიერთობაზე. მაგრამ, ამ ურთიერთობაში ძალიან დიდი მნიშვნელობა აქვს ხელისუფლებებს შორის თანამშრომლობას. ჩვენ მივიღეთ ინფორმაცია, რომ აქ იგრძნობა, რომ [საქართველოს მთავრობის] მხრიდან არის ნაკლები თანამშრომლობის სურვილი. [ხედავენ, რომ ] არის თავდასხმები ამერიკის ელჩზე, ასევე [ხედავენ] პროპაგანდას, რომელიც აღვივებს იმ რწმენებს საქართველოში, რომ თითქოს ამერიკას სურს ომი საქართველოში და ა.შ. რა თქმა უნდა, ეს განწყობები ახდენს გავლენას და უკვე შეიძლება ვთქვათ, რომ გარკვეულწილად მოახდინა კიდეც გავლენა ჩვენს ურთიერთობებზე. ასე თუ გაგრძელდა ამას ექნება სერიოზული შედეგები”, – თქვა ნინო ლომჯარიამ.

წინა სტატიაანტიდასავლური განცხადებები შოკისმომგვრელია, თავდასხმები დეგნანზე, შემაშფოთებელი – კოლასი “ხალხის ძალაზე”
შემდეგი სტატიაუარის თქმის საფუძველი არსებობს -ბრეგაძე სააკაშვილის გადაცემაზე
ტელეკომპანია ოდიშის საინფორმაციო სამსახური