ინფორმაცია “პიატნაშკას” მიერ ქართველი მებრძოლების განადგურებაზე ფეიკია – იცოდე და მოუყევი

0
263

12 ოქტომბერს, მთელი დღის განმავლობაში, აფხაზური და ზოგიერთი რუსული წყაროები ავრცელებენ ინფორმაციას, თითქოს ავდეევკის მიმართულებაზე აფხაზური “პიატნაშკას” წევრებმა რამდენიმე ქართველი მებრძოლი მოკლეს.

გავრცელდა ვიდეოც (რომლის ტირაჟირებასაც არ ვახდენთ), სადაც აფხაზი ბოევიკები ცუდი მონადირის ტყუილების სტილში ჰყვება, როგორ ესროლა ფანჯრიდან ყუმბარმტყორცნის ჭურვი “ქართველებით სავსე მანქანას”.

გადამოწმებული ინფორმაციის თანახმად, ავდეევკის მიმართულებაზე (რომელსაც აფხაზი ბოევიკი ასახელებს), მსგავსი არაფერი მომხდარა. ქართველი მებრძოლების მხრიდან რაიმე დანაკარგის ან მძიმე ჭრილობის მიღების დადასტურება არ არსებობს. ბოლო დანაკარგი ბიჭებმა და საქართველომ ედიშერ კვარაცხელიას სახით მიიღო, რომელიც ბახმუტთან დაეცა გმირულად. ასე რომ, აფხაზური და რუსული არხების ინფორმაცია სინამდვილეს არ შეესაბამება და შიდა აუდიტორიის გულის მოსაგებადაა გათვლილი.

სინამდვილეში თავად “პიატნაშკას” მეთაური ახრა ავიძბა, რომელიც სექტემბრის ბოლოს “დატყდა” დონეცკიდან და სოხუმში იყო ჩასული, ახლა მოსკოვშია და დნრ-ში დაბრუნებას დიდად არ ჩქარობს.

თუმცა, ამის მიუხედავად, ოკუპირებული აფხაზეთიდან დონეცკში მაინც ჩავიდა ბოევიკთა ახალი ჯგუფი, რომელიც, პოზიცეებზე გასვლამდე, კამერის წინ პოზირებით იყო დაკავებული. 

წინა სტატიახერსონის ოლქში უკვე 75 სოფელია გათავისუფლებული – რა უნდა ვიცოდეთ დღის ბოლოს
შემდეგი სტატიაუკრაინელი ხალხი და ვოლოდიმირ ზელენსკი სახაროვის პრემიაზე წარადგინეს
ტელეკომპანია ოდიშის საინფორმაციო სამსახური