„რუსეთის გამარჯვება უკრაინასთან ომში ნატოს დამარცხება იქნება, ამის დაშვება არ შეიძლება“ – განაცხადა ნატოს გენერალურმა მდივანმა, იენს სტოლტენბერგმა.
მისი თქმით, რუსეთის მიერ უკრაინის მშვიდობიან მოსახლეობაზე თავდასხმა არის სისუსტის გამოვლინება, რაც გამოწვეულია იმით, რომ რუსები ბრძოლის ველზე წინ ვერ მიიწევენ.
იენს სტოლტენბერგს, ტრადიციისამებრ, დიმიტრი მედვედევმა უპასუხა, მანამდე კი აშშ-საც გადასწვდა:
მისი თქმით, უკრაინისთვის მრავალჯერადი სარაკეტო სისტემების მიწოდება კონფლიქტის მსოფლიო ომამდე ესკალაციას დააჩქარებს.
მისივე თქმით, დასავლეთის ხელმძღვანელობამ უკრაინისთვის იარაღის მიწოდებამდე „გონივრულად უნდა იფიქროს“.
„უსწრაფესი გზა უკრაინაში კონფლიქტის ესკალაციისთვის მსოფლიო ომის შეუქცევად შედეგებამდე არის კიევისთვის მრავალჯერადი სარაკეტო სისტემების მიწოდება.
ნატოს ხელმძღვანელობასა და ამერიკას ვურჩევ, გონივრულად იფიქრონ და შეაფასონ არსებული რისკები“, – აცხადებს მედვედევი.