უკრაინაში გმირულად დაღუპულ ედიშერ კვარაცხელიას დღეს, სავარაუდოდ კიევში ქართული ლეგიონის ბაზაზე გადაასვენებენ, რის შემდეგაც მეომარს სამშობლოში რამდენიმე დღეში ჩამოასვენებენ.
უკრაინაში ქართველი მებრძოლების ინფორმაციით, კვარაცხელიას ცხედარი დნეპრშია დასვენებული. ვლადიმერ პუტინის ომს ქართველი ჯარისკაცი, დონეცკის ოლქის ქალაქ ბახმუტში ემსხვერპლა.
ედიშერ კვარაცხელია უკრაინაში პუტინის ომის დაწყების დღიდან ფრონტის ხაზზე იბრძოდა. ომის წინა ხაზიდან ქართველი მებრძოლები, უკრაინაში არსებულ მდგომარეობაზეც საუბრობენ და ამბობენ, რომ სიტუაცია დაძაბულია. მამუკა მამულაშვილი, “მთავარ არხთან” საუბრისას არ გამორიცხავს, რომ ვლადიმერ პუტინმა ბირთვული იარაღი გამოიყენოს, რისთვისაც უკრაინა უკვე ემზადება