ახლა მთელი ქვეყნის მასშტაბით ტარდება აღდგენით სამუშაოები. ყველა ობიექტს, რომელიც დღეს რუსი ტერორისტების მიერ დაზიანდა, ჩვენ აღვადგენთ. ეს მხოლოდ დროის საკითხია. 84 რუსული რაკეტიდან, რომელიც უკრაინის მიმართულებით ისროლეს, 43 ჩამოვაგდეთ. 24 უპილოტო საფრენიდან 13 განადგურდა. ამის მერეც, ყოველ 10 წუთში მომდის შეტყობინებები ირანული შაჰიდების (კამიკაძე დრონები) ჩამოგდების შესახებ. ამიტომ დაიცავით უსაფრთხოების ზომები და გაითვალისწინეთ საჰაერო განგაშებიც. საფრთხე ჯერ კიდევ არსებობს. თუმცა ჩვენ – ვიბრძვით. მადლობას ვუხდი ჩვენ საჰაერო ძალებს და სახმელეთო ჯარებს, რომლებიც დღეს ამოქმედდნენ. უკრაინის დაშინება შეუძლებელია! მხოლოდ უფრო მეტი გაერთიანება. უკრაინის შეჩერება შეუძლებელია! მხოლოდ უფრო მეტად [ჩვენი] დარწმუნება, რომ ტერორისტები უნდა გავანეიტრალოთ. უკვე ახლა ოკუპანტებს არ შეუძლიათ რამე საპირისპირო დაგვიყენონ ბრძოლის ველზე, ამიტომაც მიმართავენ ასეთ ტერორს. რა გაეწყობა, გავხდით ბრძოლის ველს უფრო მტკივნეულს მტრისთვის. და აღვადგენთ ყველაფერს, რაც განადგურდა. გჯეროდეთ თქვენი თავის, უკრაინის, ქვეყნის შეიარაღებული ძალების და ჩვენი გამარჯვების! დიდება უკრაინას!
განაცხადა უკრაინის პრეზიდენტმა ვოლოდიმირ ზელენსკიმ ვიდეო მიმართვაში.