“ექიმები სააკაშვილს აშინებდნენ, რომ რუსთავის ციხეში გადაიყვანდნენ”

0
211

საქართველოს მესამე პრეზიდნტის, მიხეილ სააკაშვილის ადვოკატი, “პირველებთან” სკანდალურ განცხადებას აკეთებს და ამბობს, რომ “ვივამედის” ექიმები მიხეილ სააკაშვილს ფსიქოლოგიური ზეწოლის ქვეშ ამყოფებენ, ეუბნებიან, რომ თუ ადვოკატები ბევრს ილაპარაკებენ, რუსთავის მეთორმეტე დაწესებულებაში გადაიყვანენ.

ექიმების მხრიდან სააკაშვილის დაბულინგების რამდენიმე შემთხვევა იყო. აშინებდნენ, რომ გადაიყვანდნენ რუსთავში”- აცხადებს შალვა ხაჭაპურიძე.

ამასთან, ადვოკატის თქმით, დაცვის მხარე “ვივა-მედიდან” კადრებს გამოითხოვს, რომელიც მტკიცებულების სახით სტრასბურგის სასამართლოში გადაიგზავნება.

ამ კადრებში კარგად ჩანს, რომ სააკაშვილი ვერ გადაადგილდება, ან თუ გადაადგილდება საყრდენის მეშვეობით. ამ ყველაფრის გაგზავნას ვაპირებთ სტრასბურგში, თუ რა დაემართა დინამიკაში სააკაშვილის ჯანმრთელობის მდგომარებას”- დასძინა მან.

შალვა ხაჭაპურიძემ პოლიტიკოსებსაც მიმართა, რომ პოლიტიკური განცხადებებისგან თავი შეიკავონ.

არ უნდა დაავიწყდეთ მათ, რომ საქმე უნდა დაეწეროს მოსამართლეს, რომელიც არ უნდა აღმოჩნდეს პოლიტიკოსების ზეგავლენის ქვეშ. ყველას მოვუწოდებ, განცხადებებში იყვნან ძალიან ფრთხილები. დღეიდან სააკაშვილის შესახებ გაკეთებული ნებისმიერი განცხადება 1 საათში გადაიგზავნება სტასბურგში”- აღნიშნა შალვა ხაჭაპურიძემ.

წინა სტატია“დეოლიგარქიზაციის შესახებ” კანონპროექტი დღეს პარლამენტის ბიუროს წარედგინება
შემდეგი სტატიაკიევის ცენტრში ძლიერი აფეთქებებია – არიან დაღუპულები და დაშავებულები
ტელეკომპანია ოდიშის საინფორმაციო სამსახური