თანამშრომლობდა სუსთან, აწვდიდა ინფორმაციებს – თბილისის საკრებულოს წევრი, დავით ფარცვანია, პარტიიდან გარიცხეს

0
219

გახარიას პარტიის წევრი, თბილისის საკრებულოს დეპუტატი, დავით ფარცვანია, პარტიიდან გარიცხეს. ამის შესახენ ინფორმაცია ცნობილი პრტიის მიერ გამართულ საგანგებო ბრიფინგზე გახდა.

თბილისის საკრებულოს ფრაქცია ,,თბილისი საქართველოსთვის” თავმჯდომარის, ზაზა თავაძის, განმარტებით, აღნიშნული გადაწყვეტილება მიიღეს იმის გამო, რომ დავით ფარცვანია შემჩნეულ იქნა ხელისუფლებასა და უსაფრთხოების სამსახურთან ფარულ თანამშრომლობაში.

დღეს პარტიის გადაწყვეტილებით სუსის და ,,ქართული ოცნების” მიერ მოსყიდული და გადაბირებული ჩვენი წევრი, დავით ფარცვანია, გარიცხულია პარტიის რიგებიდან.

ჩვენი ინფორმაციით, ,,ოცნების” მხრიდან სულ რაღაც 20 ათასი დოლარის სანაცვლოდ და მომავალში კარგ პოზიციაზე დასაქმების გამო პარტია ,,საქართველოსათვის” საკრებულოს წევრმა, დავით ფარცვანიამ, ფრაქცია დატოვა.

ნიშანდობლივია, რომ ფარცვანია შემჩნეულია სუსთან და ხელისუფლებასთან სავარაუდო ფარულ თანამშრომლობაში, ინფორმაციისა და ჩანაწერების მიწოდებაში.

,,ოცნება” აგრძელებს აგრესიულ პოლიტიკას ჩვენი პარტიის წინააღმდეგ, მთელი საქართველოს მასშტაბით, მათ შორის, მუნიციპალიტეტებში – განაცხადა ზაზა თავაძემ.

წინა სტატიაახლა ყველაფერი ორი სახელმწიფოს შორის უნდა გადაწყდეს – ადვოკატი სააკაშვილის უკრაინისთვის გადაცემაზე
შემდეგი სტატიაომის დაწყებიდან დღემდე, რუსეთმა უკრაინაში 61 680 ჯარისკაცი დაკარგა
ტელეკომპანია ოდიშის საინფორმაციო სამსახური