“ქართული ოცნების” თავმჯდომარე, ირაკლი კობახიძე ამბობს, რომ პოლიტიკური სპეკულაციაა მესამე პრეზიდენტის ჯანმრთელობის გაუარესებაზე საუბარი. მისი თქმით, ამას არავითარი საფუძველი არ აქვს.
“ერთ წელიწადზე მეტია შესრულებული მას შემდეგ, რაც მიხეილ სააკაშვილი იმყოფება სასჯელაღსრულების დაწესებულებაში და იქიდან მოყოლებული ყოველდღიურ რეჟიმში საუბრობენ იმაზე, რომ არის რაღაც სიკვდილის საფრთხე, ჯანმრთელობის რადიკალურად გაუარესების საქმე და ა.შ. ერთი წელია მიდის ამაზე საუბარი, ხალხსაც მოაბეზრეს თავი, არავითარი საფუძველი არ აქვს, შევიდა სახალხო დამცველი და დიაგნოზიც ვერ გამოიტანა ციხიდან, არის ცარიელი პოლიტიკური სპეკულაციები”, – თქვა კობახიძემ.
მისი განცხადებით, სახელმწიფოს და სასჯელაღსრულების სამინისტროს პასუხისმგებლობაა იზრუნოს პატიმრის ჯანმრთელობაზე, და ეს ზრუნვა გაგრძელდება.
ცნობისთვის, მიხეილ სააკაშვილი რამდენიმე თვეა კლინიკა “ვივა მედშია” გადაყვანილი, მიუხედავად ამისა, მისი ჯანმრთელობის მდგომარეობის გაუმჯობესება ვერ ხერხდება. გუშინ ექმებმა განაცხადეს, რომ ის კიდევ უფრო დამძიმდა: