მიხეილ სააკაშვილი მედიკამენტების და საკვების მიღებაზე უარს ამბობს.
ამერიკელი ადვოკატი, მასიმო დანჯელო, კი ამბობს, რომ მესამე პრეზიდენტისთვის მიუღებელი იყო გუშინდელი პალატაში შევარდნის ინციდენტი და სწორედ ამიტომ დაიწყო შიმშილობა.
თუმცა, ამერიკელი ადვოკატი იმასაც აღნიშნავს, რომ შიმშილობა სააკაშვილს შესაძლოა, სიცოცხლის ფასად დაუჯდეს.
ჩვენ ვიცით, რომ ბატონი სააკაშვილი არ იღებს საკვებს, მიუტანეს, მაგრამ არ მიუღია. გუშინ მომხდარი ინციდენტი, როდესაც პროკურორები და მოსამართლე შევიდნენ მის ოთახში, მისთვის მიუღებელია, ამიტომ მიიღო პრეზიდენტმა ეს გადაწყვეტილება.
ექიმები შიშობენ, რომ სააკაშვილმა შესაძლოა, ისევ გამოაცხადოს შიმშილობა, რადგან ეჭვი აქვთ, რომ ამ შემთხვევაში დიდხანს ვერ გაძლებს და დაიღუპება”. – აცხადებს ამერიკელი ადვოკატი მასიმო დანჯელო.
ადვოკატ შალვა ხაჭაპურიძის თქმით, მიხეილ სააკაშვილმა მკურნალობის ეტაპზე 20 კილოგრამი დაიკლო და ამ დრომდე უჭირს გადაადგილება. საქართველოს მესამე პრეზიდენტის ადვოკატი შალვა ხაჭაპურიძე “ტვ პირველთან” ამბობს, რომ სააკაშვილი წამლებისა და საკვების მიღებაზე უარს ამბობს.