ისინი არ მუშაობენ კონკრეტული მთავრობისთვის – დეგნანი სამოქალაქო სექტორზე

0
205

შეიძლება მათგან წამოსული კრიტიკა იყოს არაკომფორტული, თუმცა ისინი არ არიან იმისთვის, რომ იმუშაონ კონკრეტული მთავრობისთვის, ან პარტიისთვის – აცხადებს აშშ-ს ელჩი საქართველოში, კელი დეგნანი სამოქალაქო სექტორზე თავდასხმების შესახებ საუბრისას.

კელი დეგნანი დღეს პარლამენტში იმყოფებოდა, სადაც USAID-ის მისიის ახალ დირექტორთან ჯონ პენელთან ერთად, თავმჯდომარე პაპუაშვილს შეხვდა. დიპლომატის თქმით, გაცვალეს მოსაზრებები, რამდენად მნიშვნელოვანი როლი აქვს სამოქალაქო საზოგადოებას და განვითარების ორგანიზაციებს ნებისმიერი მთავრობისთვის, განსაკუთრებით საქართველოში.

“ჩვენთვის მოულოდნელი იყო ის თავდასხმები სამოქალაქო სექტორზე იმიტომ რომ პარლამენტის ბევრი წევრი, იქამდე მუშაობდა სამოქალაქო სექტორში და მათ იციან, თუ რა მნიშვნელობა აქვს ქვეყნის განვითარებისთვის ამ ორგანიზაციებს. ხშირად, შეიძლება მათგან წამოსული კრიტიკა იყოს არაკომფორტული, თუმცა ისინი არ არიან იმისთვის, რომ იმუშაონ კონკრეტული მთავრობისთვის, ან პარტიისთვის. მათი მთავარი მოვალეობაა დაიცვან მოქალაქეების ინტერესები და უზრუნველყონ მთავრობის ანგარიშვალდებულება საზოგადოების წინაშე. მე ვთლი, რომ საქართველოს გაუმართლა, რომ ბევრი ასეთი ორგანიზაცია არსებობს, რომელიც წლების მანძილზე მუშაობს ბევრი სხვადასხვა მიმართულებით. ” თქვა დეგნანმა.

აშშ-ს ელჩი გამოეხმაურა ოცნებიდან ფორმალურად წასული “ხალხის ძალის” მუდმივ ანტიდასავლურ და ანტიევროპულ რიტორიკას და აღნიშნა, რომ ამ კუთხით, საქართველოს ხელისუფლების პოზიცია დამაბნეველია

“მე არ მსურს კომენტარი გავაკეთო საქართველოს შიდაპოლიტიკურ ამბებზე, საზოგადოება ალბათ თავად ხედავს რა ხდება, თუმცა ერთის მხრივ, ხელისუფლების დამოკიდებულება არის დამაბნეველი. გვესმის მესიჯები, რომელიც ეთანხმება გარკვეულწილად ამას, მეორეს მხრივ, პრემიერმინისტრი და სხვანი გამოთქვამენ სურვილს გაძლიერდეს პარტნიორობა აშშ-სთან.

მე ყოველთვის მსურს ფაქტებით ვისაუბრო. ვიცით, რომ ბევრი დეზინფორმაციაა ჩვენს გარშემო. სიმართლე ის არის, რომ აშშ ბოლო 30 წლის განმავლობაში ერთგულად უჭრეს მხარს და ეხმარება საქართველოს განვითარებაში, მათ შორის ისეთი მნიშვნელოვანი მიმართულებებით როგორიცაა ეკონომიკა, სუვერენიტეტი, დემოკრატია” თქვა კელი დეგნანმა.

მისი თქმით, ქვეყნის ეკონომიკისთვის მნიშვნელოვანია პარტნიორებისა და აშშ-ს ფინანსური დახმარებები, რომლებიც საქართველოს პანდემიის დროს, ასევე უკრაინაში ომის ფონზე გამოწვეული კრიზისისას აღმოუჩინეს.

წინა სტატიამიხეილ სააკაშვილი მედიკამენტებისა და საკვების მიღებაზე უარს აცხადებს
შემდეგი სტატიახელისუფლების დამოკიდებულება დამაბნეველია – დეგნანი ოცნებიდან “წასულების” რიტორიკაზე
ტელეკომპანია ოდიშის საინფორმაციო სამსახური