მიხეილ სააკაშვილთან დღეს ამერიკელი ნევროლოგი შევა

0
210

მესამე პრეზიდენტის ჯანმრთელობის მდგომარეობის შესასწავლად გვიან ღამით საქართველოში კიდევ ერთი უცხოელი სპეციალისტი ჩამოვიდა. ნევროლოგი შეერთებული შტატებიდან, ყველა საჭირო პროცედურის გავლის შემდეგ შეეცდება მიხეილ სააკაშვილის მონახულებას.

“შეფასდება მიხეილ სააკაშვილის ჯანმრთელობის მდგომარეობა,შემდგომში დაველოდებით ერთობლივ კონსულტაციებს, დასკვნას და დასრულდება შემდგომში ექსპერტიზა”, – თქვა “ემპათიას” ხელმძღვანელმა, მარიამ ჯიშკარიანმა.

საქართველოს მესამე პრეზიდენტთან შეშვების თანხმობას ამ დრომდე ელოდება ორთოპედ-ქირურგი, პროფესორი ჯეიმს კობი. დვოკატები სახალხო დამცველს მიმართავენ ჩაერთოს საქმეში, რათა უცხოელ ექსპერტს პაციენტის ჯანმრთელობის მდგომარეობის შესწავლის შესაძლებლობა მიეცეს.

დღესვე ამერიკელი ადვოკატი დინ ანჯელო საქართველოში უკრაინის ელჩის მოვალეობის შემსრულებელთან გეგმავს შეხვედრას. იგი დიპლომატს სააკაშვილის საქმის სამართლებრივ დეტალებს გააცნობს, რომელიც სასჯელის გადავადებას ეხება.

წინა სტატიარუსული შენაერთები სვატოვო-კრემენნაიას ფრონტს ვერ შეინარჩუნებენ – ანალიზი
შემდეგი სტატიაBloomberg-ის ინდექსით, წლის დასაწყისიდან ივანიშვილმა $600 მილიონი დაკარგა
ტელეკომპანია ოდიშის საინფორმაციო სამსახური