მთავარისიახლეებისაზოგადოებამიხეილ სააკაშვილის სასამართლო პროცესი კლინიკა "ვივა მედში" მიმდინარეობს

მიხეილ სააკაშვილის სასამართლო პროცესი კლინიკა “ვივა მედში” მიმდინარეობს

Published on

ე.წ. საზღვრის კვეთის საქმეზე, მესამე პრეზიდენტის სასამართლო პროცესი კლინიკა “ვივა მედში” მიმდინარეობს. დღევანდელ პროცესზე ჩვენება მიხეილ სააკაშვილმა უნდა მისცეს.

ცოტა ხნის წინ ცნობილი გახდა, რომ მიხეილ სააკაშვილმა სასამართლოს მიმდინარეობისას ექიმი მოითხოვა და მედიკოსმა ადგილზე უნდა გადაწყვიტოს, შეუძლია თუ არა მას სასამართლოზე დასწრება და ჩვენების მიცემა.

საქმის პროკურორ ლევან ვეფხვაძის ინფორმაციით, დღევანდელ სასამართლო პროცესზე კლინიკა „ვივამედიდან“ წარმოდგენილი იყო ცნობა, რომლის მიხედვითაც მიხეილ სააკაშვილს ჩვენების მიცემა შეუძლია.

„დღევანდელ სასამართლო პროცესზე კლინიკა „ვივამედიდან“ წარმოდგენილი იყო ცნობა, რომლის მიხედვითაც მიხეილ სააკაშვილს შეუძლია ჩვენების მიცემა, გამომდინარე აქედან, ვიშუამდგომლეთ გასვლით სხდომაში მონაწილეობა, რაც დააკმაყოფილა მოსამართლემ. ამ ეტაპამდე არაერთი პროცესი გადაიდო, სადაც წარმოდგენილი იყო ცნობა, რომ მას არ შეეძლო მონაწილეობის მიღება“, – განაცხადა პროკურორმა ლევან ვეფხვაძემ.

ადვოკატ შოთა თუთბერიძის განცხადებით კი, არც ერთ ექიმს, ან სამედიცინო დაწესებულებას არ უთქვამს, რომ მიხეილ სააკაშვილი თავს კარგად გრძნობს:

არც ერთ ექიმს ან სამედიცინო დაწესებულებას არ უთქვამს, რომ სააკაშვილი თავს გრძნობს კარგად, სამედიცინო დაწესებულებამ აღნიშნა, რომ სააკაშვილს უჭირს მეტყველება, თავს გრძნობს სუსტად და იმყოფება მწოლიარე რეჟიმში”, – განაცხადა შოთა თუთბერიძემ.

გარდა ამისა ცნობილია, რომ მიხეილ სააკაშვილის ადვოკატებმა პალატაში მედიის დაშვება მოითხოვეს, თუმცა სასამართლომ შუამდგომლობა არ დააკმაყოფილა.

სიახლეები

“დიახ, არ ვაღიარებ ამ ხელისუფლებას“ – ნიკა გვარამია

საკონსტიტუციო სასამართლოში, სადაც ოპოზიციური პარტიების გაუქმებასთან დაკავშირებული სარჩელის განხილვა მიმდინარეობს, „კოალიცია ცვლილებისთვის“ ლიდერს, ნიკა...

ოკუპ. ცხინვალის ე.წ. საგარეო სამინისტრო- EU-ს მოვუწოდებთ, უარი თქვას პოლიტიკურ შანტაჟზე

ოკუპირებული ცხინვალის ე.წ. საგარეო საქმეთა სამინისტრომ ევროკავშირის უმაღლესი წარმომადგენლის კაია კალასის განცხადება, რომელიც ასოცირების...

კანადა უკრაინას სამხედრო დახმარების ახალ პაკეტს გადასცემს

17 ნოემბერს კანადის ეროვნული თავდაცვის დეპარტამენტმა გაავრცელა განცხადება, რომელშიც ნათქვამია, რომ კანადა უკრაინას სამხედრო...

ვახო სანაიამ მცხეთის იზოლატორი დატოვა

ვახო სანაიამ დღეს, 18 ნოემბერს, ერთთვიანი პატიმრობის შემდეგ მცხეთის იზოლატორი დატოვა. ჟურნალისტი ფეისბუკზე დაწერილი...