გლდანის ციხეში სააკაშვილის წამების საქმეზე უკრაინის ხელისუფლებამ საგამოძიებო მოქმდებები დაიწყო.
უკრაინული მხარე ახლა მიხეილ სააკაშვილის გამოკითხვას ოფიციალურად ითხოვს.
შესაბამისი უწყება უკვე მზად არის და დოკუმენტს პროკურატურა, სავარუდოდ, უახლოეს დღეებში მიიღებს.
ადვოკატ შალვა ხაჭაპურიძის ინფორმაციით, არ არის გამორიცხული, 6 ოქტომბერს უკრაინის სასამართლომ მიხეილ სააკაშვილის უკრაინაში გადაყვანის განჩინება მიიღოს.
„უკრაინის სასამართლოში აღძრულია სისხლის სამართლის საქმე, სააკაშვილის მიმართ არაადამიანური მოპყრობის ფაქტზე. 6 ოქტომბერს იმართება სასამართლო პროცესი, რომელზეც ადვოკატმა დააყენა შუამდგომლობა მოწმის სახით დაიკითხოს და გადაყვანილი იყოს უკრაინაში მიხეილ სააკაშვილი. პროკურატურამ ამ შუამდგომლობას მხარი დაუჭირა და ვაგზავნით უკრაინაში იმ დოკუმენტაციას, რომ სააკაშვილი იმყოფება პატიმრობაში. არ არის გამორიცხული, 6 ოქტომბერს უკრაინის სასამართლომ მიიღოს სააკაშვილის უკრაინაში გადაყვანის განჩინება”, – განაცხადა შალვა ხაჭაპურიძემ.