“შეერთებული შტატები და მისი მოკავშირეები გაანადგურებენ რუსეთის ჯარებსა და აღჭურვილობას უკრაინაში – ასევე ჩაძირავენ მის შავი ზღვის ფლოტს – თუ რუსეთის პრეზიდენტი ვლადიმერ პუტინი ატომურ იარაღს გამოიყენებს”, – ამის შესახებ CIA-ს ყოფილმა დირექტორმა, დევიდ პეტრეუსმა განაცხადა.

როგორც პეტრეუსმა აღნიშნა, მას ეროვნული უსაფრთხოების მრჩეველთან, ჯეიკ სალივანთან არ უსაუბრია ბირთვულ ესკალაციაზე აშშ-ს სავარაუდო პასუხთან დაკავშირებით. ABC News-თან მან თქვა:

“ჰიპოთეტურად რომ გითხრათ, ჩვენ ვუპასუხებდით NATO-ს – კოლექტიური ძალისხმევის ხელმძღვანელობით რომელიც ამოიღებს ყველა რუსულ კონვენციურ ძალას, რომელსაც ჩვენ ვხედავთ და ამოვიცნობთ ბრძოლის ველზე უკრაინაში და ასევე ყირიმში და ყველა გემს შავ ზღვაში”

კითხვაზე, რუსეთის მიერ ბირთვული იარაღის გამოყენება უკრაინაში მიიყვანს თუ არა ამერიკასა და NATO-ს ომამდე, პეტრეუსმა თქვა, რომ ეს არ იქნება სიტუაცია, რომელიც გამოიწვევს ალიანსის მე-5 მუხლის ამოქმედებას, რადგან უკრაინა NATO-ს წევრი არ არის, თუმცა მისი თქმით, ამის მიუხედავად “აშშ-სა და NATO-ს პასუხი იქნება სათანადო”.

პეტრეუსის თქმით, იმის ალბათობა, რომ რადიაცია გავრცელდება NATO-ს წევრ ქვეყნებზე მე-5 მუხლის ქოლგის ქვეშ, შესაძლოა განიმარტოს, როგორც თავდასხმა ნატოს წევრზე.