ლიეტუვის საგარეომ რუსი დიპლომატი პერსონა ნონ გრატად გამოაცხადა

0
202

ლიეტუვის საგარეო საქმეთა სამინისტრომ რუსი დიპლომატი სერგეი რიაბოკონი პერსონა ნონ გრატად გამოაცხადა. ორშაბათს სამინისტროს მიერ გამოქვეყნებულ პრესრელიზში ნათქვამია, რომ რიაბოკონს, ვილნიუსში რუსეთის საელჩოს საქმეთა დროებით რწმუნებულს, მიეცა ხუთი დღე ქვეყნის დასატოვებლად.

უწყება ამბობს, რომ დიპლომატის ბოლო ქმედებები და განცხადებები “შეუთავსებელი იყო მის დიპლომატიურ სტატუსთან” და მიიჩნევა მასპინძელი სახელმწიფოს შიდა საქმეებში ჩარევად.

“ლიეტუვის საგარეო საქმეთა სამინისტრომ ასევე კატეგორიულად გააპროტესტა რუსეთის პრეზიდენტის 30 სექტემბრის გადაწყვეტილება უკრაინის დონეცკის, ლუგანსკის, ხერსონისა და ზაპორიჟჟიის რეგიონების უკანონო ანექსიის შესახებ, რომელთა ნაწილები დროებით რუსეთის მიერ იყო ოკუპირებული”, – ნათქვამია განცხადებაში.

საგარეო ამბობს, რომ დიპლომატმა ვენის კონვენცია დაარღვია.

წინა სტატიარუსეთის დუმამ უკრაინის ოთხი რეგიონის ანექსიას ერთხმად დაუჭირა მხარი
შემდეგი სტატია“ვაკვირდებით გადაწყვეტილებას” – პესკოვი უკრაინის NATO-ში დაჩქარებული წესით შესვლის განაცხადზე
ტელეკომპანია ოდიშის საინფორმაციო სამსახური