ინფლაციის მაჩვენებელი ისტორიულ მაქსიმუმზეა

0
196

პურ-პროდუქტები 33%, რძე, ყველი და კვერცხი – 23% , ზეთი – 21% – ქვეყანაში ყველაფერი ისევ გაძვირდა. ცოტა ხნის წინ საქსტატმა ფასების ახალი ინდექსი გამოაქვეყნა. ფასების ახალი ინდექსი საქსტატმა გამოქვეყნა. მონაცემების თანახმად, წლიურმა ინფლაციის დონემ საქართველოში 11.5% შეადგინა.

შარშანდელთან შედარებით ფასები ყველა პროდუქტზეა გაზრდილი. გაძვირდა არა მხოლოდ საკვები პროდუქტები, არამედ ბინის ღირებულება, მანქანის შენახვა და ტრანსპორტი.

საქსტატის მონაცემებით, წინა წელთან შედარებით ფასები გაზრდილია შემდეგ პროდუქტებზე:

პური და პურპროდუქტები + 32.8%
რძე, ყველი და კვერცხი + 23.3%
მინერალური და წყაროს წყალი, უალკოჰოლო სასმელები და ნატურალური წვენები + 22.5%
ზეთი და ცხიმი + 21.2%
ყავა, ჩაი და კაკაო + 18.9%
თევზეული + 16.5%
შაქარი, ჯემი და სხვა ტკბილეული + 15.8%
ხორცი და ხორცის პროდუქტები + 9.8%
ხილი და ყურძენი + 9.6%;

სურსათი და უალკოჰოლო სასმელები: ჯგუფში ფასები გაიზარდა 15.8%-ით, რაც წლიურ ინფლაციაზე 5.14%-ით აისახა.

ტრანსპორტის ჯგუფში ფასები გაიზარდა 14.1%-ით, რაც 1.69%-ით აისახა მთლიანი ინდექსის ზრდაზე. ფასები, ძირითადად, მომატებულია პირადი სატრანსპორტო საშუალებების ექსპლუატაციაზე (16.8%) და სატრანსპორტო მომსახურებაზე (13.7%).

საცხოვრებელი, წყალი, ელექტროენერგია, აირი: ჯგუფში დაფიქსირდა ფასების 12.2%-იანი მატება, რაც 1.18%-ით აისახა წლიურ ინფლაციაზე. ფასები გაიზარდა ქვეჯგუფებზე: ფაქტობრივი გადასახადი საცხოვრებელზე – 24.3%, საცხოვრებლის მიმდინარე მოვლა და შეკეთება (12.5%), ელექტროენერგია, აირი და სათბობის სხვა სახეები (5.8%).

ეკონომისტები დადებით პროგნოზს ვერ აკეთებენ. ექსპერტები მიიჩნევენ, რომ ისედაც დაბაშემოსავლიან მოსახლეობას გაზრდილი ფასები კიდევ უფრო მძიმე ტვირთად დააწვება.

ინფლაცია ერთ-ერთი მთავარი პრობლემაა. პრობლემა კიდევ ამ 11.5%-ში არის ის, რომ ყველაზე მეტად ფასები იზრდება სურსათზე. საშუალო ზრდა სურსათზე არის 17.17 % ცოტა მეტი და მ 17%-ში თითქმის 1/3-ით არის გაზრდილი პურზე ფასები, პური, რძე, ყველი, კვერცხი,ა სეთ რაღაცეებზე უფრო დიდი ტემპით იზრდება ფასები, რაც განსაკუთრებთ პრობლემაა საქართველოს კონტექსტში, იმიტომ,რომ ამ ქვეყნის დიდი ნაწილი არის დაბალშემოსავლიანი ანუ ღარიბი და მათთვის პურზე , ყველზე, კვერცხზე და რძეზე გაზრდილი ფასები არის პრობლემური, იმიტომ, რომ ისინი უბრალოდ ვეღარ ყიდულობენ, – ამბობს სოსო ბერიკაშვილი.

წინა სტატიაოკუპირებულ აფხაზეთში სამხედრო გაწვევა დაიწყო
შემდეგი სტატიარუსეთის დუმამ უკრაინის ოთხი რეგიონის ანექსიას ერთხმად დაუჭირა მხარი
ტელეკომპანია ოდიშის საინფორმაციო სამსახური