“გადაწყვეტილების მიმღები ცენტრები”, შესაძლოა, რუსული ბირთვული დარტყმის პირველი სამიზნეები გახდნენ, თუ მოსკოვი გადაწყვეტს, ამ სახის იარაღი გამოიყენოს.
გამოცემის აზრით, ბირთვულ მუქარას ორი მიზანი აქვს: ნატოსა და აშშ-ის შეშინება ან უკრაინის იძულება, დაუბრუნდეს მოლაპარაკების მაგიდას.
პუტინის მუქარის მიუხედავად “გადაწყვეტილების მიმღები ცენტრების მიმართ, ტაქტიკური ბირთვული იარაღი მოსკოვმა, შესაძლოა, სულ სხვაგან გამოიყენოს, დემონსტრირების მიზნით. გამოცემის აზრით, რუსმა სამხედრო ექსპერტებმა კრემლს შესთავაზეს ტაქტკური ბომბის ჩამოგდება შავ ზღვაში. მეორე ვარიანტად უკრაინის სამხედრო ბაზები სახელდება.
გამოცემა აღნიშნავს, რომ პუტინისთვის ბირთვული იარაღი ისაა, რაც ზესახელმწიფოს სტატუსიდან რუსეთს შემორჩა. სტატიაში აღნიშნულია, რომ ბირთვული მუქარა უახლოესი საფრთხე არ არის და რომ პირველ ნაბიჯებად, შესაძლოა, რუსეთი განიხილავდეს დივერსიებს ევროპაში, შეტევებს უკრაინის ენერგეტიკაზე და კიევის მაღალი თანამდებობის პირებზე თავდასხმებს. სტატიაში ნათქვამია, რომ ბირთვული იერიში არ იქნება მიტანილი უკრაინის დიდ ქალაქებსა და ობიექტებზე.
ამასთან, აღსანიშნავია, რომ ბირთვული იარაღის გამოსაყენებლად მხოლოდ “წითელ ღილაკზე” თითის დაჭერა არ არის საკმარისი: ეს მოქმედებათა და გადაწყვეტილების შემსრულებელთა მთელი ჯაჭვია. ამასთან, ბირთვული იარაღი ყოველთვის არ უდრის დიდ აფეთქებას: ის შეიძლება, ნაღმმტყორცნისთვის ან ქვემეხისთვის გამოყენნებული ჭურვისოდენაც იყოს…
ელვისებურმა შეტევამ უკვე ხერსონის მიმართულება მოიცვა – რა უნდა ვიცოდეთ დღის ბოლოს