მთავარისიახლეებიმსოფლიოZSU ლიმანს მომდევნო 72 საათის განმავლობაში აიღებს - რა უნდა ვიცოდეთ ომის...

ZSU ლიმანს მომდევნო 72 საათის განმავლობაში აიღებს – რა უნდა ვიცოდეთ ომის 220-ე დილას

Published on

რა უნდა ვიცოდეთ გასულ დღე-ღამეზე, უკრაინაში მიმდინარე ომზე და ზოგადად, უკრაინის თემასთან დაკავშირებით: :

ლიმანთან ბრძოლები ღამის განმავლობაში გრძელდებოდა. ორივე მხარე ურთიერთსაწინააღმდეგო ინფორმაციას ავრცელებს, თუმცა, მათგან ყველაზე ახალი არცერთი არაა დილის ინფორმაცია. ღამის ცნობების უკრაინული ვერსიით, ლიმანის გარშემო რკალი შეკრულია, რუსული მხარე კი ამტკიცებს, რომ საღამოს ლიმანის დამცველების დასახმარებლად მისულმა დამატებითმა ძალებმა ქალაქის ჩრდილოეთით ყულფის გაფართოება შეძლეს და დასახლება სტავკი დაიბრუნეს.

აშშ-ის ომის შემსწავლელი ინსტიტუტის მონაცემებით კი, ZSU ლიმანს მომდევნო 72 საათის განმავლობაში აიღებს. უკრაინის არტილერიას ბლოკირებული აქვს ქალაქიდან ერთადერთი გასასვლელი – კრემენნაია-ტორსკოეს გზა, რუსული შენაერთები ლიმანში ოპერატიულ ალყაში არიან.

ლიმანის გათავისუფლება უკრაინას ხელფეხს უხსნის ლუგანსკის ოლქის მიმართულებით კონტრშეტევისკენ, რომელიც, ფაქტობრივად, მთლიანად ოკუპირებულია.

“ცხელი ოქტომბერი გველოდება, ყველაფერი თვის ბოლოს გაირკვევა”, – აცხადებს ოლექს არესტოვიჩი.

“უახლოეს პერსპექტივაში არ გვაქვს საფუძველი ვიფიქროთ, რომ რუსეთი უკრაინის წინააღმდეგ ბირთვულ იარაღს გამოიყენებს”, – ამბობს უკრაინის დაზვერვის წარმომადგენელი, კირილ ბუდანოვი.

უკრაინელმა მეზენიტეებმა ხერსონის მიმართულებაზე, ბერისლავის რაიონში, მტრის ვერტმფრენი Ка-52 ჩამოაგდეს.

სარაკეტო-საარტილერიო ძალებმა მტრის პოზიციებზე 330 დარტყმა განახორციელეს.

ლიკვიდირებულია 10 ოკუპანტი, განადგურებულია მძიმე ცეცხლმტყორცნი «Сонцепек», ზალპური ცეცხლის რეაქტიული სისტემა «Град», ორი თვითმავალი მსხვილკალიბრიანი ჰაუბიცა «Мста-С», 3 ტანკი.

ჩვენ ვიცით, სად ინახება ირანული დრონები – ოკუპირებულ ტერიტორიაზე, რასაც ჩვენი ჰაიმარსები ვერ წვდება. როგორც კი გვექნება სათანადო შეიარაღება, აუცილებლად დავარტყამთ მას, – თქვა აშშ-ში მყოფმა დავით არახამიამ.

ჯო ბაიდენმა უკრაინისთვის დამატებით $12,4 მილიარდის გამოყოფას ხელი მოაწერა.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...