აშშ არასდროს აღიარებს რუსეთის პრეტენზიებს უკრაინის სუვერენულ ტერიტორიაზე – ჯო ბაიდენი

0
209

აშშ-ის პრეზიდენტი, ჯო ბაიდენი პირობას დებს, რომ შეერთებული შტატები არასოდეს აღიარებს რუსეთის პრეტენზიებს უკრაინის სუვერენულ ტერიტორიებზე.

“მინდა, ძალიან მკაფიო ვიყო ამ საკითხში – შეერთებული შტატები არასდროს, არასდროს, არასოდეს აღიარებს რუსეთის პრეტენზიებს უკრაინის სუვერენულ ტერიტორიაზე“, – განაცხადა ბაიდენმა.

მან დაგმო „რეფერენდუმი“, რომელიც პრორუსულმა ძალებმა უკრაინის ოკუპირებულ ტერიტორიებზე ჩაატარეს და აღნიშნა, რომ ეს იყო „აბსოლუტური სიყალბე“, რომლის შედეგები „მოსკოვში დაამზადეს“.

ბაიდენმა ხაზი გაუსვა, რომ რუსეთის უკრაინაზე თავდასხმა გაერო-ს წესდების და სუვერენიტეტისა და ტერიტორიული მთლიანობის ძირითადი პრინციპების უხეში დარღვევაა.

„რუსეთის თავდასხმა უკრაინაზე იმპერიული ამბიციების განსახორციელებლად არის გაერო-ს წესდების და სუვერენიტეტისა და ტერიტორიული მთლიანობის ძირითადი პრინციპების უხეში, უხეში დარღვევა“, – აღნიშნა ბაიდენმა.

ცნობილია, რომ შეერთებული შტატები, მოკავშირეებთან ერთად მუშაობს სანქციებზე, რომელსაც რუსეთს უკრაინის ახალი ტერიტორიების ანექსირების შემდეგ დაუწესებენ. კრემლის ინფორმაციით, დღეს ხელი მოეწერება უკრაინის ოთხი ოლქის, დონეცკის, ლუგანსკის, ზაპოროჟიესა და ხერსონის რუსეთის შემადგენლობაში შესვლის შესახებ შეთანხმებებს.

წინა სტატიარუსეთმა, შესაძლოა, უკრაინაში ტაქტიკური ბირთვული იარაღი გამოიყენოს
შემდეგი სტატიავლადიმერ პუტინმა ხერსონისა და ზაპოროჟიეს ოლქების ე.წ. „დამოუკიდებლობა“ აღიარა
ტელეკომპანია ოდიშის საინფორმაციო სამსახური