უკრაინამ ევროკავშირისგან 500 მლნ ევრო მიიღო – ინფორმაციას უკრაინის ფინანსთა სამინისტროს პრესსამსახური ავრცელებს. თანხა განათლების სფეროს, სოფლის მეურნეობასა და ინფრასტრუქტურულ სამუშაოებს მოხმარდება.
“ევროკავშირის საგრანტო დაფინანსება ხელს შეუწყობს სახელმწიფო ბიუჯეტის პრიორიტეტული ხარჯების დაფინანსებას, სახელმწიფო ბიუჯეტის ხარჯვით ნაწილზე ზეწოლის გაზრდის გარეშე“, – ამბობს ფინანსთა მინისტრი
შეგახსენებთ, რომ მიმდინარე წლის აგვისტოში ევროკავშირმა უკრაინას ომისგან გამოწვეული ფინანსური პრობლემების გადასაჭრელად 1 მლრდ ევროს ტრანში გამოუყო. დახმარების პაკეტის საერთო მოცულობა კი 9 მლრდ ევროა.