“მთავარმა არხმა” ექსკლუზიურად გადაიღო ე.წ. “ხახვის გუმბათი” – რუსული ეკლესიის მთავარი ატრიბუტი, რომელიც საქართველოს ხელისუფლების მიერ კონტროლირებადი ტერიტორიიდან, ენგურის ხიდის გავლით, ოკუპირებულ აფხაზეთში გადაჰქონდათ.
მანქანას, რომელიც ზუგდიდიდან გალის მიმართულებით გადაადგილდებოდა და სადაც მოოქროვილი გუმბათი იყო დადებული, ენგურჰესის საშვი ჰქონდა.
როგორც ირკვევა, გუმბათი სწორედ ზუგდიდის რაიონში დაამზადეს ხელოსნებმა, აფხაზი ე.წ. კანონიერი ქურდების შეკვეთით. გუმბათი სოხუმის რაიონის სოფელ კამანის ეკლესიაში მიაქვთ და იქ არსებული უძველესი ქართული გუმბათი (ეზოში იოანე ოქროპირია დაკრძალული) სწორედ რუსული “ხახვის გუმბათით” უნდა ჩაანაცვლონ.
ამ ჟესტით აფხაზმა ე.წ.-მა კანონიერმა ქურდებმა აფხაზეთის მარიონეტულ ხელისუფლებასა და აფხაზეთის ეკლესიის ლიდერად თვითგამოცხადებულ ბესარიონ აპლიას გაუკეთეს საჩუქარი.