„უკრაინელმა მებრძოლებმა უკანასკნელი 24 საათის განმავლობაში დონეცკის მიმართულებაზე ყველა შეტევა მოიგერიეს“ – გენშტაბი

უკრაინის არმიამ აღკვეთა ოკუპანტების შეტევები დონეცკის ოლქში- სოლედარის, მაიორსკის, კურდიუმოვკას, ზაიცევოს, ბახმუტის, ბახმუტსკოეს, ვიემკას, სპორნოეს, პერვომაისკისა და კამენკას მიმართულებებზე.

სახმელეთო ძალების მხარდასაჭერად აქტიურად მუშაობს უკრაინელთა მოიერიშე ავიაცია- მოწინააღმდეგეზე განხორციელდა 10 ავიაიერიში- განადგურდა რუსული ცოცხალი ძალის 7 კონცენტრაციის ზონა, საბრძოლო ტექნიკის რამდენიმე ერთეული და საზენიტო-სარაკეტო სისტემათა 3 პოზიცია.

უკრაინელთა საჰაერო თავდაცვამ ბოლო 24 საათში გაანადგურა ოკუპანტების 1 Su-25-ის ტიპის მოიერიშე და 5 უპილოტო საფრენი აპარატი.

უკრაინელთა არტილერიამ ( M142 Himars/ M270 MLRS) რუსი ოკუპანტების სამეთაურო პუნქტზე, ცოცხალი ძალის 15 კონცენტრაციის ზონაზე, საბრძოლო ტექნიკაზე , საჰაერო თავდაცვის 2 პოზიციაზე და საბრძოლო მასალის 3 საწყობზე მიიტანა სარაკეტო იერიში.

საქართველოდან უკრაინაში, რუსეთის მხარეს მებრძოლი რამდენი “მოხალისე” მოკლეს და რამდენს ელის ეს წინ