რუსეთის საავადმყოფოებმა ცხედრების პაკეტების მასობრივი შესყიდვა დაიწყეს (ვიდეო)

0
475

რუსეთის საავადმყოფოებმა ცხედრებისთვის განკუთვნილი პოლიეთილენის, დიდი ტევადობის პაკეტების შეძენა მასობრივად დაიწყეს, ამასთან, ზოგიერთ შემთხვევებში, შესყიდული პაკეტების რაოდენობა საწოლი ადგილების რაოდენობას აჭარბებს, რაც იმას ნიშნავს, რომ საავადმყოფოებში უკრაინიდან ცხედრებს ელოდებიან. 

მაგალითად, მოსკოვში, სპასოკუკოცკის სახელობის საავადმყოფომ, სადაც სულ 814 საწოლი ადგილია, 3.000 ასეთი პაკეტი შეისყიდა. საოლქო კლინიკურმა საავადმყოფომ – 500 პაკეტი 180 ადგილისთვის. უფაში კი საავადმყოფომ, რომელსაც 510 საწოლი ადგილი აქვს, ტენდერი გამოაცხადა 2.000 პაკეტის შესაძენად.  

შეგახსენებთ, რუსეთიდან უკრაინაში საბრძოლველად, უმეტესწილად, ყოველგვარი წინასწარი მომზადების გარეშე უშვებენ ახალმობილიზებულებს, ხოლო უკრაინის პრეზიდენტის ადმინისტრაციის მრჩეველმა ოლექს არესტოვიჩმა განაცხადა, რომ უკრაინაში უკვე დაიღუპნენ პირველი მობილიზებულები, ხოლო მათი ნაწილი ტყვედ ჩავარდა. 

წინა სტატია“აფხაზეთი არ უნდა იყოს მიტოვებული” – ლუკაშენკო ბიჭვინთაში ბჟანიას შეხვდა
შემდეგი სტატიასაპატიო ზუგდიდელის ჯილდო ექვს მოქალაქეს გადაეცა
ტელეკომპანია ოდიშის საინფორმაციო სამსახური