ამერიკის შეერთებული შტატები უკრაინისთვის დამატებით 1.1 მილიარდი დოლარის ღირებულების სამხედრო დახმარების ახალი პაკეტს ამზადებს. ინფორმაციას Reuters აშშ-ის ოფიციალურ პირებზე დაყრდნობით ავრცელებს.
გამოცემა წერს, რომ განცხადება დახმარების ახალ პაკეტთან დაკავშირებით უახლოეს დღეებში გაკეთდება.
მედია წერს, რომ დახმარების პაკეტი მოიცავს HIMARS-ის გამშვებებს, მასთან დაკავშირებულ საბრძოლო მასალებს, სხვადასხვა ტიპის ანტიდრონისა და სარადარო სისტემებს, ასევე სათადარიგო ნაწილებს, სასწავლო და ტექნიკურ მხარდაჭერას.
გარდა დახმარებისა, უკრაინის ოკუპირებულ ტერიტორიებზე რუსეთის მიერ ჩატარებული ე.წ რეფერენდუმების გამო, ამერიკა მოსკოვისთვის სანქციების დაწესებასაც გეგმავს.