ვლადიკავკაზიდან ზემო ლარსისკენ რუსული სამხედრო ტექნიკა დაიძრა

0
394

ვლადიკავკაზიდან ზემო ლარსის მიმართულებით რუსული სამხედრო ტექნიკა გადაადგილდება, რაც გავრცელებულ კადრებშიც ჩანს. ეს გადაადგილება, შესაძლოა, უკავშირდებოდეს გავრცელებულ ცნობას, რომ ზემო ლარსთან რუსეთი აპირებს სამხედრო გაწვევის მობილური პუნქტის შექმნას. ამის შესახებ ცოტა ხნის წინ რუსეთის შსს-მ განაცხადა. 

საქართველოში შემოსვლის მსურველი მანქანების რიგი ისევ 20 კმ-ზეა გადაჭიმული. დიდი რიგია ასევე საბაჟო პუნქტთან. გასაუბრების შემდეგ, ფაქტობრივად, უკან არავის აბრუნებენ და საქართველოში უშვებენ. საზღვარი საქართველოს არ ჩაუკეტავს და არც აპირებს. რუსეთიდან საქართველოში შემოსვლის საშუალო ხანგრძლივობა 4-5 დღე-ღამეა, საქართველოდან რუსეთის მიმართულებით კი 4-5 საათი. რუსეთის მიმართულებით საცობები არ არის.

საქართველოს შინაგან საქმეთა სამინისტროს ხელმძღვანელმა ვახტანგ გომელაურმა უარყო ინფორმაცია 250 000-მდე რუსის საქართველოში ჩამოსვლის შესახებ. მისი თქმით, დაახლოებით 4-5 დღის წინ 5-დან 6 ათასამდე ადამიანი შემოვიდა, ახლა კი მათი რიცხვი 10 ათასამდე გაიზარდა.

წინა სტატიაჩრდ. ოსეთის შსს ამბობს, რომ ლარსის საგუშაგოზე საზღვრის ფეხით გადაკვეთა დაშვებული იქნება
შემდეგი სტატიაგლოვა არ ყოფნის, არ შეიძლება გლოვაში ვიცხოვროთ, უნდა ვიცხოვროთ მომავალში – ზურაბიშვილი
ტელეკომპანია ოდიშის საინფორმაციო სამსახური