თბილისში 200.000 რუსია ჩასული, ის რიაზანს დაემსგავსა – “კომსომოლსკაია პრავდა”

0
224

თბილისში და ზოგადად, საქართველოში რუსეთის მოქალაქეების დიდი რაოდენობით შემოსვლის შესახებ უკვე რუსული პრესაც წერს. მაგალითად, “კომსომოლსკაია პრავდა” თავის ერთ მასალას ასე ასათაურებს: Из-за наплыва русских Тбилиси превращается в Рязань.

“რუსების ბრბოში ქართველი ძნელად საპოვნია. რუსები არიან ყველგან – მეტროს მგზავრების შემადგენლობა რუსულია, მაღაზიებში – რუსები, ბანკომატებთან სადისკუსიო კლუბი რუსულ ენაზე და ბოლო ცნობებით “იქედან” ანუ მოსკოვიდან და დონბასიდან… ქალაქში, სადაც სსრკ-ს დროს 100.000 რუსი ცხოვრობდა, ახლა მათი რაოდენობა 200.000-ზე მეტია (120.000-მა აქ ჯერ კიდევ გაზაფხულზე გადმოინაცვლა)”, – წერს “კომსომოლსკაია პრავდას” სპეციალური კორესპონდენტი ვლადიმირ ვოლოშინი. 

საქართველოს ხელისუფლებაში კი აცხადებენ, რომ ზემო ლარსზე საზღვრის დაკეტვის აუცილებლობას ვერ ხედავენ. შსს აქვეყნებს სტატისტიკას, რამდენმა ადამიანმა გადმოკვეთა საქართველოს საზღვარი რუსეთიდან 17-26 სექტემბერს

უწყების ცნობით, მიმდინარე წლის 21 სექტემბრის შემდგომ, საქართველო-რუსეთის ფედერაციის საზღვარზე მოიმატა რუსეთიდან შემომსვლელ პირთა რაოდენობამ.

საჯარო ინტერესიდან გამომდინარე, გაგაცნობთ ბოლო 10 დღის მონაცემებს, კერძოდ, საქართველოს საზღვარი ყველა გამშვები პუნქტიდან გადმოკვეთა და გადაკვეთა:

17 სექტემბერს 6986 – 7406
18 სექტემბერს 6606 – 6743
19 სექტემბერს 6411 – 6782
20 სექტემბერს 5603 – 6199
21 სექტემბერს 6402 – 6011
22 სექტემბერს 6150 – 6050
23 სექტემბერს 9307 – 6214
24სექტემბერს 9330 – 6249
25 სექტემბერს 11 143 – 5519
26 სექტემბერს 10 804 – 4947 რუსეთის მოქალაქემ, რაც ჯამში 62.120 ადამიანია. შეგახსენებთ, აქ მოცემულია როგორც საქართველოში შემოსული, ასევე საქართველოდან გასული მოქალაქეების მონაცემები.

წინა სტატიასასტიკი მეთოდით მოტეხილი ფეხი… ომისგან თავის ასარიდებლად (ვიდეო)
შემდეგი სტატიაუკრაინა აგრძელებს დასახლებების გათავისუფლებას – რა უნდა ვიცოდეთ ომის 216-ე დღის ბოლოს
ტელეკომპანია ოდიშის საინფორმაციო სამსახური