სამოქალაქო აქტივისტი, გიორგი მუმლაძე ამბობს, რომ საგამოძიებო უწყებისთვის მას არ მიუმართავს და თენგო სანაიას წინააღმდეგ საჩივარი არ შეუტანია. გიორგი მუმლაძე მოითხოვს “ნაციონალურმა მოძრაობამ” გასაჯაროვოს 19 სექტემბრს ოფისში მომხდარი ინციდენტის ამსახველი ვიდეო ჩანაწერი, რითიც გაირკვევა ვინ და როგორ გაუსწორდნენ მათ ფიზიკურად.
“დადეთ მტკიცებულება, როდესაც ამბობთ, რომ მე ვინმეს შეურაცხყოფა მივაყენე უსაფუძვლოდ და ასე შემდეგ, წინააღმდეგ შემთხვევაში, ნათელია, რომ ეს იყო შეთანხმებული, თუ როგორ უნდოდათ ჩემი პროვოკაციაზე წამოგება. მე თავიდანვე აღვნიშნე, რომ მე არ მივმართავდი პოლიციას, რადგან არ ვენდობი, გავავრცელე საჯაროდ ჩემი დაცვის უზრუნველყოფისთვის, და როგორც აღმოჩნდა, პოლიციამ დაიწყო ამაზე გამოძიება”, – ამბობს გიორგი მუმლაძე.
ენმ-ს წევრი, ბაჩო დოლიძე ამბობს, რომ გიორგი მუმლაძე პარტიის აქტიური წევრების პროვოკაციაზე წამოგებას ცდილობს, შემდეგ კი ეს ყვალაფერი მათი დაკავებით მთავრდება. დოლიძე ამბობს, რომ ეს არის მიზანმიმართული “ბინძური კამპანია” პარტიის წინააღმდეგ