უკრაინის შეიარაღებული ძალების გენერალური შტაბის ინფორმაციით, ე.წ. რეფერენდუმის ფონზე, ოკუპირებული ხერსონის რეგიონი “შემსვლელთა და გამსვლელთათვის” სრულად დაიხურა.
უკრაინული მხარის ინფორმაციითვე, მშვიდობიანი მოქალაქეების მიმოსვლა გართულებულია ზაპოროჟიეს რეგიონშიც, სადაც ასევე ე.წ. რეფერენდუმი იმართება. უკრაინის თავდაცვის სამინისტროს ქვედანაყოფის ცნობით, რეგიონის დატოვება თითქმის შეუძლებელია 18-35 კაცებისთვის.
ბოლო დღეებში, უკრაინის ოფიციალურმა პირებმა განაცხადეს, რომ რუსეთში გამოცხადებული ნაწილობრივი მობილიზაციის შემდეგ, უკრაინაში რუსეთის მიერ ოკუპირებული ტერიტორიებიდან ახალგაზრდების გასვლა უკიდურესად გართულებულია.
უკრაინის მთავრობის წყაროების ცნობით, ჰუმანიტარული დერეფნები უკრაინის სამხრეთში – ხერსონის ჩათვლით – დაზიანებული, ზოგიერთ შემთხვევაში კი ფაქტობრივად, დახურულია.