ჩრდილო ოსეთის შსს ამბობს, რომ საქართველოსთან, ზემო ლარსის საგუშაგოზე საზღვრის ფეხით გადაკვეთა დაშვებული იქნება. უწყება ამბობს, რომ საგუშაგოზე ერთმანეთს შეხვდნენ შს მინისტრი, სახელმწიფო საგზაო ინსპექციის უფროსი და რუსეთის ფედერაციის უსაფრთხოების ფედერალური სამსახურის სასაზღვრო დეპარტამენტის ხელმძღვანელები.
“მიუხედავად მიღებული ზომებისა… ვითარება კვლავ უკიდურესად დაძაბულია, რაც მოითხოვს დამატებით ზომების მიღებას მოქალაქეთა უსაფრთხოების ორგანიზების კუთხით.
ამ მიზნით, ისევე როგორც უკანონო ქცევისა და კონფლიქტური სიტუაციების წარმოშობის რისკების შესამცირებლად, შეხვედრის შედეგების შემდეგ, მონაწილეებმა გადაწყვიტეს მოქალაქეებისთვის საზღვრის ფეხით გადაკვეთის ნება მიეცეთ”, – აღნიშნულია უწყების განცხადებაში.