ტელეგრამ-არხზე “უტრო დაგესტანა” მასობრივი დაუმორჩილებლობა დაანონსდა – ერთსაათიანი ულტიმატუმის ათვლა დაწყებულია. ადგილობრივები რუსეთში გამოცხადებულ ნაწილობრივ მობილიზაციას აპროტესტებენ, რომელიც მათ რეგიონსაც შეეხო.
“თუ ერთი საათის განმავლობაში არ გაათავისუფლებთ ყველა დაკავებულს, ჩვენ მთელ დაღესტანს ფედერალურ ტრასებზე გამოვიყვანთ: წავუკიდებთ საბურავებს, შეშას და თივას, ამავე მეთოდით გავაჩერებთ მატარებლებს.
ჩვენო დებო და ძმებო, ვინც ფედერალურ გზატკეცილებთან ახლოს ცხოვრობთ: მოიძიეთ ბოთლი, სპირტი, საბურავები და შეშა და დაელოდეთ ჩემს სიგნალს – თქვენ ზუსტად ერთი საათი გაქვთ”, – წერს “უტრო დაგესტანა” .
შეგახსენებთ, დღეს, დღის განმავლობაში, მახაჩყალაში, მობილიზაციის საწინააღმდეგო აქციებზე, ათეულობით ადამიანი, მათ შორის, ქალები დააკავეს.