რუსი “ავტორიტეტი” იგორ კუსკი, რომელიც 23-წლიან სასჯელს იხდიდა, უკრაინაში მოკლეს

0
889

ომში გაწვეული რუსი კრიმინალური ავტორიტეტი, დაჯგუფება “Кусковские”-ს ლიდერი იგორ კუსკი, რომელიც ერთერთ კოლონიაში 23-წლიან სასჯელს იხდიდა და “ვაგნერმა” უკრაინაში, საომრად წაიყვანა, ბახმუტთან მოკლეს. 

კრიმინალური დაჯგუფების ლიდერი, რომელსაც იმედი ჰქონდა, რომ ომიდან შინ ცოცხალი დაბრუნდებოდა, 23 სექტემბერს, მშობლიურ ქალაქ ნიჟნეკამსკში დაკრძალეს. 

სხვათა შორის, კუსკი, “ავტორიტეტიდან” გამომდინარე, “ვაგნერში” ჯერ კიდევ ივლისში შევიდა და, შესაბამისად, ომში მთელი სამი თვე იმყოფებოდა. 

“ჩვენ მისი ომში წაყვანის თხოვნით რამდენჯერმე გავუგზავნეთ წერილი რამზან კადიროვს. შემდეგ კერძო სამხედრო კომპანიის წარმომადგენლები მოვიდნენ. 55 წლის იყო და ჯანმრთელობაც სერყეული ჰქონდა, მაგრამ ზუსტად ვიცი, რომ პირველ რიგებში იბრძოდა და გმირულად დაეცა”, – თავს იმშვიდებს კუსკის ცოლი. 

იგორ კუსკმა სასიკვდილო ჭრილობა 6 სექტემბერს მიიღო: ნამსხვრევი მოხვდა თავში.

რაც შეეხება სასჯელს, მან ის ყაზანში, “ტატსანტეხმონტაჟის” გენერალური დირექტორის ბორის ვაიმანის მკვლელობისთვის მიიღო, რომელიც ცივსისხლიანად დაცხრილა თავისივე ოფისის შესასვლელთან, 2004 წლის 18 მარტს. 

წინა სტატიაბოლო 5 თვეში საქართველოში 228 ათასი რუსი შემოვიდა- ოპოზიცია საემიგრაციო კანონების გამკაცრებას ითხოვს
შემდეგი სტატიაკრემლი აფხაზეთიდან და სამხრეთ ოსეთიდან მობილიზაციის შესაძლებლობას განიხილავს – “მედუზა”
ტელეკომპანია ოდიშის საინფორმაციო სამსახური