ოკუპანტი რუსეთი უკრაინის 4 ოლქში დღეს ე.წ “რეფერენდუმს” ატარებს. კენჭისყრა გულისხმობს დონეცკის, ლუგანსკის, ხერსონისა და ზაპოროჟიეს ოკუპირებული ოლქების “რუსეთთან მიერთებას”.

უკრაინული მხარის ინფორმაციით, ხმების გაზრდის მიზნით რეფერენდუმში 13-დან 17 წლის ჩათვლით, მოზარდებიც მიიღებენ მონაწილეობას.

ე.წ. “რეფერენდუმის” შედეგებს არ ცნობს საერთაშორისო თანამეგობრობა. გაეროს უშიშროების საბჭოს სხდომაზე სერგეი ლავროვმა განაცხადა, რომ რეფერენდუმები არის პასუხი ზელენსკის მოწოდებაზე – “რუსებმა დატოვონ უკრაინა!”.

ოფიციალური კიევი კი დარწმუნებულია, რომ რუსეთის ყველა ქმედება, მიითვისოს სუვერენული ქვეყნის ტერიტორიები, კრახით დასრულდება

“მობილიზაცია და რეფერენდუმი ჩვენთვის არაფერს ცვლის კონტრშეტევებს გავაგრძელებთ და ჩვენს ტერიტორიებს გავათავისუფლებთ. ამას ნაბიჯ-ნაბიჯ გავაკეთებთ პუტინის რეფერენდუმს პუტინის 90% არ აღიარებს. რუსეთი იზოლაციაში მოექცევა დამიჯერეთ, მისი პარტნიორებიც კი დისტანციაზე დადგებიან რეფერენდუმი ჩვენს გეგმებს არ ცვლის” – ამბობს ვოლოდიმირ ზელენსკი

უკრაინის დროებით ოკუპირებული რეგიონების ამომრჩევლებმა დღეს უნდა უპასუხოს:
“მხარს უჭერს თუ არა რესპუბლიკის შესვლას რუსეთში ფედერაციის სუბიექტის სახით”?

ხოლო რაც შეეხება ხერსონისა და ზაპოროჟიეს, აქ მოსახლეობამ კიდევ 2 კითხვას უნდა გასცეს პასუხი. “სურთ თუ არა უკრაინისგან გამოყოფა და დამოუკიდებელი სახელმწიფოების შექმნა”