სამ საათზე მეტია სოსოს გოგაშვილის სახლში საგამოძიებო მოქმედებები მიმდინარეობს. სახელმწიფო უსაფრთხოების სამსახურის წარმომადგენლები ავთო ვარაზის 91 ნომერში, ამავე უწყების ყოფილი მაღალჩინოსნის ოჯახის კუთვნილი ავტომობილების ამოღების მიზნით მივიდნენ.
გოგაშვილის სახლთან იმყოფებიან სამართალდამცველებიც. საქმე ეხება უკანონო შემოსავლების ლეგალიზებას.
სუსის თანამშრომლების თქმით, ისინი გოგაშვილის სახლში მოსამართლის განჩინების საფუძველზე მივიდნენ. მომხდარის გამო, გოგაშვილის ცოლი შეუძლოდ გახდა და ადგილზე სასწრაფო დახმარების გამოძახებაც გახდა საწურო.
გოგაშვილის ოჯახისა და მისი ადვოკატების განცხადებით, თბილისის საქალაქო სასამართლომ 20 სექტემბერს გამოსცა განჩინება იმ ქონების დაყადაღებაზე, რომელიც აქამდე არ იყო დაყადაღებული, თუმცა ამბობენ, რომ ამის შესახებ მათთვის დღემდე უცნობი იყო. გარდა ამისა, უფლებადამცველის ინფორმაციით, ოქმში წერია, რომ მანქანები უნდა დაყადაღდეს და არაფერია ნათქვამი მათ ჩამორთმევაზე.