ოკუპირებული აფხაზეთის ე.წ საგარეო საქმეთა მინისტირი, ინალ არძინბა ამბობს, საქართველოს მხრიდან სამხედრო კონფლიქტის ალბათობა, საკმაოდ მაღალია. ეს განცხადება მან რამდენიმე დღის წინ გააკეთა.
რუსეთის მიერ ოკუპირებული აფხაზეთს ე.წ. საგარეო საქმეთა მინისტმა “ქართული ოცნების” თავმჯდომარის, ირაკლი კობახიძის განცხადება გაიხსენა რუსეთის წინააღმდეგ მეორე ფრონტის გახსნის შესახებ რეფერენდუმის ჩატარებასთან დაკავშირებით.
“მაშინ მან თქვა, რომ რეფერენდუმი არ იქნება. განცხადებები ერთია, საქმეები სხვა. საქმე ისაა, რომ იზრდება კონტრაქტები საბრძოლო დაზვერვის დრონების მიწოდებაზე, მუდმივი წვრთნები ნატოსთან, მზარდი კონსულტაციები, წელიწადში 300 მილიონი დოლარი და ა.შ.” – თქვა არძინბამ.
სოხუმის რეჟიმი დღეს ე.წ.უშიშროების საბჭო სხდომას გამართავს, სადაც როგორც დაანონსებულია რეგიონში შექმნილ სახიფათო ვითარებას განიხილვავენ.
“დღის წესრიგში დგას დამატებითი ღონისძიებების შემუშავება ქვეყნის უსაფრთხოების უზრუნველსაყოფად”, – ნათქვამია განცხადებაში.
ცნობისთვის, რუსეთმა “ნაწილობრივი მობილიზაცია” გუშინ გამოაცხადა.