22 წლის პოლიციელი “აზოვსტალიდან”, რომელიც უკვე მეხუთე თვეა, ოლენოვკის კოლონიაშია და მასზე არაფერი იციან. ის არ იძებნება არც ახალგათავისუფგლებული ტყვეების ფოტოებში, არ არის მათ შორის, ვინც ვოლოდიმირ ზელენსკიმ ჩამოთვალა:
“უკრაინის გმირი ევგენი ბოვა.
უკრაინის გმირი ლევ პაშკო.
უკრაინის გმირი დენის პროკოპენკო.
დიმიტრი კოზაცკი, სახელგანთქმული ორესტი, ფოტოგრაფი “აზოვსტალიდან”.
ნიკოლოზ კუში და კონსტანტინ ნიკიტენკო.
ეკატერინე პოლუშეკი (პტაშკა), მარიანა მამონოვა, ვალენტინა ზუბკო, იანა შუმოვეცკაია, ზორიანა რეპეცკაია, ანასტასია ჩერნენკა…. სულ 215 გმირი…”
22 წლის მარიუპოლელმა მარიანა ჩეჩელიუკმა უკრაინაში რუსეთის ფართომასშტაბინ შეჭრამდე რამდენიმე თვით ადრე პოლიციის აკადემია დაამთავრა და ეროვნული პოლიციის წევრი გახდა.
მარიუპოლის დაბომბვის დაწყების შემდეგ, ის თავის 16 წლის დასთან ერთად, სარდაფში იმალებოდა, მოგვიანებით კი “აზოვსტალის” ბუნკერში მოხვდა.
1 მაისს რუსეთი დათანხმდა მარიუპოლიდან მწვანე დერეფნის შექმნას სამოქალაქო პირებისთვის. მარიანამ ფილტრაციის პროცესი, გასაუბრება გაიარა და ქალაქიდან გასვლის ნებართვა მიიღო, მაგრამ მეორე დღეს ოკუპანტებმა პოზიცია შეცვალეს, პოლიციაში მისი სამსახური მოიმიზეზეს და ნებართვა გაუუქმეს, შემდეგ კი ოლენოვკის კოლონიაში გადაიყვანეს…
