რუსი ოკუპანტების ტყვეობიდან 215 უკრაინელი დამცველი, მათ შორის 10 უცხოელი გათავისუფლდა. სანაცვლოდ რუსეთს დაუბრუნეს ოლიგარქი, ვიქტორ​ მედვედჩუკი და 55 ოკუპანტი.

უკრაინის პრეზიდენტის აპარატის უფროსის, ანდრი იერმაკის თქმით, მათ უკრაინის მიმართ “არავითარი ინტერესი” არ გააჩნდათ. მისივე თქმით, გათავისუფლებულ უკრაინელებს შორის 124 ოფიცერია, 108 “აზოვის მებრძოლი”

რუსი ოკუპანტებისგან გათავისუფლდა : სვიატოსლავ პალამარი, აზოვსტალის საზღვაო ქვეითთა ბრიგადის მეთაური სერგეი ვოლინა და აზოვის პოლკის მეთაური დენის პროკოპენკო, ასევე
საპატრულო პოლიციის უფროსი მიხაილ ვერშინინი, აზოვსტალის მცველი კატერინა პოლიშუკი ე.წ. “პტაშკა” და აზოვსტალის მცველი მიხაილ დიანოვი, ე.წ. “პიანისტი”.

პრეზიდენტის აპარატის ხელმძღვანელის თქმით, ეს უკრაინის პრეზიდენტსა და თურქეთის პრეზიდენტ ერდოღანს შორის პირადი შეთანხმებების შედეგია. თურქეთში 5 უკრაინელი მეთაური იმყოფება ერდოღანის დაცვისა და უსაფრთხოების პირადი გარანტიით.

ტყვეების გაცვლასთან დაკავშირებით რუსულ მხარეს ჯერ ოფიციალური კომენტარი არ გაუკეთებია.