გრიგოლ ნარსია ტერორიზმის ბრალდებას არ ეთანხმებოდა და ხელახლა დაკითხვას ითხოვდა

0
41

საქართველოს ბანკზე თავდმასხმელს ბრალი ოფიციალურად წაუყენეს, თუმცა, გრიგოლ ნარსია ბრალს მხოლოდ ნაწილობრივ აღიარებს.  პროკურატურის მოთხოვნა პატიმრობის შეფარდების შესახებ სასამართლომ გაიზიარა და ნარსიას წინასწარი პატიმრობა შეეფარდა.

ბრალდებულის ადვოკატები ნარსიას ხელახლა დაკითხვას ითხოვდნენ. მათი თქმით, ნარსია ამბობდა, რომ მან აიყვანა მძევლები, ითხოვდა დიდი ოდენობით ფულს და იყო შეიარაღებული, თუმცა ტერორიზმის მუხლით წარდგენილ ბრალს ის კატეგორიულად უარყოფდა, ისევე როგორც პოლიციისთვის წინააღმდეგობის გაწევის ფაქტს. 

შეგახსენებთ, 20 სექტემბერს გრიგოლ ნარსია “საქართველოს ბანკის” ქუთაისის ფილიალში შეიჭრა და 14 პირი მძევლად აიყვანა. ასაფეთქებელი მოწყობილობები, რომელიც მას თითქოსდა ტანზე ჰქონდა შემოხვეული და ბანკის ფილიალის შემოსასვლელთან დაამაგრა, ბუტაფორია აღმოჩნდა. ნარსიას თქმით, მას მხოლოდ პნევმატური იარაღი ჰქონდა. მძარცველი მძევლებთან ერთად დილიდან საღამომდე ბანკში იმყოფებოდა, რის შემდეგაც სპეცოპერაციის მონაწილეები ბანკის ფილილში შევიდნენ, ნარსია განაირაღეს და დააკავეს, ხოლო მძევლები უვნებლად გაათავისუფლეს. 

წინა სტატიაჩვენ უკრაინის გვერდით ვდგავართ, 100 ტონა ჰუმანიტარული ტვირთი გავგზავნეთ – ღარიბაშვილი
შემდეგი სტატია“რუსეთმა, შესაძლოა, უკრაინის წინააღმდეგ ბირთვული იარაღი გამოიყენოს” – უკრაინის დაზვერვა
ტელეკომპანია ოდიშის საინფორმაციო სამსახური