“ქართული ოცნების” ლიდერის, ირაკლი კობახიძის განცხადებებმა ოკუპანტი ქვეყნის მედია კიდევ ერთხელ დააინტერესა.
სამთავრობო “РИА Новости” საკუთარ Telegram არხზე წერს, რომ მმართველი პარტია „ქართული ოცნების“ ხელმძღვანელმა ირაკლი კობახიძემ თქვა, რომ საქართველოს ხელისუფლება რუსებისთვის სავიზო რეჟიმის შემოღებას რუსეთის ფედერაციაში ნაწილობრივი სამხედრო მობილიზაციის გამოცხადების შემდეგაც კი არ განიხილავს.
Москва 24, ირაკლი კობახიძის განცხადებას ციტირებს, რომ “რუსი ტურისტების წინააღმდეგ დეზინფორმაციის კამპანია საქართველოში მანამდეც იყო”.
„ორჯერ იყო კამპანია, თითქოს რუსი ტურისტები სერიოზულ საფრთხეს წარმოადგენდნენ და ორივეჯერ აღმოჩნდა, რომ ეს კამპანია იყო სრულიად უსაფუძვლო, ყალბი, ხელოვნური და პოლიტიკური მიზნები“, – თქვა კობახიძემ.
ოკუპანტი ქვეყნის მედია წერს, რომ მანამდე საქართველოში 20-ზე მეტმა ყველაზე გავლენიანმა არაკომერციულმა ორგანიზაციამ ერთობლივი განცხადება გაავრცელა და მოითხოვა ქვეყნის მოქმედი ხელისუფლებისგან რუსეთის მოქალაქეებისთვის სავიზო რეჟიმის შემოღება. წერილი მმართველი პარტია „ქართული ოცნების“ და პრემიერ-მინისტრ ირაკლი ღარიბაშვილისთვის მომზადდა.
rambler.ru: “კობახიძემ აღნიშნა, რომ ქვეყანაში ორჯერ მიმდინარეობდა კამპანია, რომ რუსი ტურისტები უსაფრთხოებისთვის რისკს წარმოადგენდნენ – პრეტენზიები უსაფუძვლო იყო და პოლიტიკური მიზნები ჰქონდა”.
კობახიძის განცხადებები განახლებაში არაერთმა რუსულმა მედიამ ჩაამატა: gazeta.ru-მ, chita.ru-მ და ა.შ.