საგარეჯოს რაიონის სოფელ ქეშალოში 35 წლის მამაკაცს რამდენიმე ჭრილობა ცეცხლსასროლი იარაღით მიაყენეს. ადგილობრივების ინფორმაციით, პირი ავტომატური ცეცხლსასროლი იარაღით, საკუთარ კომერციულ ფართში ჩაცხრილეს, სადაც ის მცირე ბიზნესით იყო დაკავებული. ერთ-ერთ ვერსიად წარსულში ფულის გამოძალვის ფაქტი სახელდება. დანაშაული დილით მოხდა. გამოძიება განზრახ მკვლელობის მუხლით მიმდინარეობს.
35 წლის აიდინ გამზაევის მკვლელობასთან დაკავშირებით, როგორც ადგილობრივებს, ასევე ოჯახის წევრებს კონკრეტული პასუხები არ აქვთ, ისინი აცხადებენ, რომ მასთან კონფლიქტი არც წარსულში და არც ბოლო პერიოდში არავის ჰქონია.