რუსეთში ნაწილობრივი მობილიზაციის წინააღმდეგ საპროტესტო აქცია დააანონსეს – ამის შესახებ RBC-Ukraine წერს რუსული სამოქალაქო მოძრაობა „ვესნა“ Twitter-ის პოსტებზე დაყრდნობით.
აქტივისტები მოუწოდებენ რუსებს, გამოვიდნენ საპროტესტო აქციაზე ქვეყნის ყველა ადგილას. გამოცემის ცნობით, აქციები დღეს 19:00 საათზე დაიგეგმა.
“ვლადიმერ პუტინმა ახლახან გამოაცხადა ნაწილობრივი მობილიზაცია რუსეთში. ეს ნიშნავს, რომ ათასობით რუს კაცს – ჩვენს მამებს, ძმებსა და ქმრებს – ჩააგდებენ ომის ხორცსაკეპ მანქანაში. რისთვის დაიღუპებიან ისინი? დედები და ბავშვები რისთვის დაღვრიან ცრემლებს”- ნათქვამია განცხადებაში.