ქუთაისში, “საქართველოს ბანკის” ქუთაისის ფილიალზე თავდასხმის დროს ჩატარებულ სპეცოპერაციას, რომელიც წარმატებით დასრულდა, გრიგოლ ლილუაშვილი გამოეხმაურა. სუს-ის უფროსმა აღნიშნა, რომ სპეცოპერაცია შსს-მ მაღალ დონეზე ჩაატარა:
“გუშინდელი სპეცოპერაცია იყო ჩინებულად ჩატარებული, მაღალპროფესიონალურ დონეზე, რაც ჩაატარა შინაგან საქმეთა სამინისტრომ. ყველა სამართალდამცავი უწყება, მსგავსად შინაგან საქმეთა სამინისტროსი, მონდომებულია იმისათვის, რომ ქვეყანაში იყოს წესრიგი, მშვიდობა. პიროვნების იდენტიფიცირება რა თქმა უნდა, მოხდა. გუშინვე გამჟღავნდა მისი სახელი და გვარი. დანარჩენ დეტალებს ვერ მოგახსენებთ, ეს გამოძიების პრეროგატივაა და გამოიძიებენ და ყველაფერს მოგახსენებენ,” – აცხადებს გრიგოლ ლილუაშვილი.
შეგახსენებთ, შეიარაღებული მძარცველი, რომელიც ფილიალში შეიჭრა და 14 მძევალი აიყვანა, დააკავეს, მძევლები კი უვნებლად გაათავისუფლეს. 37 წლის გრიგოლ ნარსიამ განაცხადა, რომ ის ბანკში შვილის ჯანმრთელობის მდგომარეობის გამო შეიჭრა. მისივე თქმით,ა საფეთქებელი ნივთიერებები ბუტაფორია იყო და თვითონ მხოლოდ პნევმატური იარაღი ჰქონდა.