რუსეთმა წყალქვეშა ნავები ყირიმიდან გაიყვანა – სად რა ხდება უკრაინაში

0
303

რუსეთმა თავისი წყალქვეშა ნავები ყირიმიდან კრასნოდარის მხარეში გადაიყვანა, ამის მიზეზი უკრაინის მიერ ფლოტზე დარტყმების პრევენციაა, – ნათქვამია დიდი ბრიტანეთის დაზვერვის ანგარიშში.

სამხრეთის ფრონტზე უკრაინის ძალებმა ტექნიკით დატვირთული ბარჟა ჩაძირეს, 3 ტანკი გაანადგურეს და დღე-ღამეში 90-მდე ოკუპანტი მოკლეს.

ამასთან, დღე-ღამის განმავლობაში, ავიაციამ რუსეთის ჯარის დისლოკაციის ადგილებზე 15 იერიში მიიტანა.
“სამხრეთის” გაერთიანებული სარდლობის მონაცემებით, განადგურებულია:
⁃ 90 სამხედრო;
⁃ სამი ტანკი;
⁃ შვიდი ერთეული ჯავშანტექნიკა;
⁃ სამი ჰაუბიცა «Мста-Б» და «Мста-С»;
⁃ ოთხი ერთეული თსმ 152-მმ «აკაცია»;
⁃ ორი თვითმავალი ქვემეხი «Гиацинт-С»;
⁃ ექვსი ზალპური ცეცხლის რეაქტიული სისტემა «Град»;
⁃ საბრძოლო მასალების საწყობი დასახლება პრავდინოში.
ამს გარდა, აშშ ომის შემსწავლელი ინსიტუტის ანალიტიკოსები მიიჩნევენ, რომ რუსეთის არმიას არ ძალუძს შეაჩეროს უკრაინის წინსვლა ლუგანსკის ოლქში მდინარე ოსკოლის გასწვრივ.
უკრაინელები აგრძელებენ ლოკალურ შეტევებს ლიმანი-იამპოლი-ბელოგოროვკის ხაზზე, რუსეთი კი უკვე ვეღარ აკონტროლებს მთლიანად ლუგანსკისა და დონეცკის ოლქის ტერიტორიას.
წინა სტატიასასამართლოში ნიკა გვარამიას საქმესთან დაკავშირებით დღეს GDI-ის წარმომადგენელს გამოკითხავენ
შემდეგი სტატიათავდასხმა ბანკზე ქუთაისში – შეიარაღებულ პირს, სავარაუდოდ მძევლები ჰყავს აყვანილი
ტელეკომპანია ოდიშის საინფორმაციო სამსახური