რეჯეფ თაიფ ერდოღანი – ტერიტორიები, რომლებზეც რუსეთი შეიჭრა, უკრაინას დაუბრუნდება

0
361

ტერიტორიები, რომლებზეც რუსეთი შეიჭრა, უკრაინას დაუბრუნდება, – ამის შესახებ თურქეთის პრეზიდენტმა, რეჯეფ თაიფ ერდოღანმა PBS News Hour-თან ინტერვიუში განაცხადა.

ჟურნალისტმა თურქეთის ლიდერს ჰკითხა, კონფლიქტის დარეგულირების ფარგლებში, უნდა დართონ თუ არა რუსეთს ნება, შეინარჩუნოს ტერიტორიების ნაწილი, რომელიც უკრაინაში თებერვალში ინტერვენციის შემდეგ დაიკავა.

„არა, უდაოდ არა. როდესაც ვსაუბრობთ ორმხრივ შეთანხმებაზე, ეს ამას გულისხმობს. თუ უკრაინაში დამყარდება მშვიდობა, რა თქმა უნდა, მიწის დაბრუნება, რომელზეც განხორციელდა ინტერვენცია, გახდება ძალიან მნიშვნელოვანი. ეს არის მოლოდინი. ეს არის, რაც სურთ. ბატონმა პუტინმა გარკევული ნაბიჯები გადადგა. ჩვენ გადავდგით გარკვეული ნაბიჯები. მიწები, რომლებზეც განხორციელდა შეჭრა, უკრაინას დაუბრუნდება“, – განაცხადა ერდოღანმა.

ყირიმთან დაკავშირებით დასმულ შეკითხვაზე პასუხისას ერდოღანმა განაცხადა, რომ 2014 წლის შემდეგ ის ვლადიმერ პუტინს სთხოვს, რომ ყირიმი მის კანონიერ მესაკუთრეს დაუბრუნოს.

თურქეთის პრეზიდენტმა ასევე განაცხადა, რომ ყველანაირი ინტერვენცია გაუმართლებელია.

წინა სტატია14-დან 17-წლამდე ასაკის ყოველი მეხუთე მოზარდი აზარტულ თამაშებშია ჩართული
შემდეგი სტატიასასამართლოში ნიკა გვარამიას საქმესთან დაკავშირებით დღეს GDI-ის წარმომადგენელს გამოკითხავენ
ტელეკომპანია ოდიშის საინფორმაციო სამსახური