დღეს თბილისის საქალაქო სასამართლოში საქართველოს მესამე პრეზიდენტის მორიგი პროცესია ჩანიშნული, რომელიც, სავარაუდოდ, ისევ გადაიდება. მიხეილ სააკაშვილი პროცესს ვერ დაესწრება.
სხდომა ე.წ. პიჯაკების საქმეზე უნდა გაიმართო. დაცვის მხარე ამბობს, რომ მესამე პრეზიდენტი თავს ისევ სუსტად გრძნობს და რამდენიმე თვიანი მკურნალობის მიუხედავად გაუმჯობესება არ ეტყობა.
“თუ ის ჯანმრთელობის მდგომარეობის გამო ვერ მიიღებს პროცესში მონაწილეობას, ბუნებრივია, ეს პროცესი, სავარაუდოდ, გადაიდება, იმ დრომდე, სანამ მიხეილ სააკაშვილი შეძლებს აქტიურ ჩართვას საკუთარი უფლებების დაცვის თვალსაზრისით. ცხადია, პროცესი მკაფიოდ პოლიტიზირებულად რჩება”, – თქვა ადვოკატმა, შოთა თუთბერიძემ.
მისი თქმით, როცა პროცესის მიმდინარეობა განახლდება, შესაძლოა ახალი შუამდგომლობები დააყენონ.