უკრაინის არმიის გენერალური შტაბის ცნობით, ბოლო დღე-ღამის განმავლობაში ოკუპანტებმა 3 სარაკეტო და 22 საჰაერო დარტყმა განახორციელეს, ასევე 90-ზე მეტი დაბომბვა მრავალჯერადი სარაკეტო სისტემებიდან. დღეს დილით მოწინააღმდეგემ კიდევ სამი სარაკეტო დარტყმა განახორციელა. დაზარალდა 30-ზე მეტი დასახლების ინფრასტრუქტურა.
უკრაინის შეიარაღებულმა ძალებმა მოიგერია რუსული არმიის თავდასხმები ნიკოლაევკა ვტარაიას, ვესიოლაია დოლინასა და ბახმუტის დასახლებებში.
უკრაინის ავიაციამ 21 დარტყმა მიაყენა მტერს – დადასტურდა მოწინააღმდეგის ცოცხალი ძალისა და საზენიტო-სარაკეტო სისტემის 5 პოზიციის განადგურება.
გასული დღე-ღამის განმავლობაში უკრაინელებმა მოწინააღმდეგის 14-ზე მეტ სამიზნეზე სარაკეტო და საარტილერიო იერიში მიიტანეს.