ხვიჩა კვარაცხელიას “ნაპოლიმ მორიგი გამარჯვება მოიპოვა და სატურნირო ცხრილის სათავეშია: ამჯერად ნეაპოლელებმა “სან სიროზე” მრისხანე მეტოქე, “მილანი” დაამარცხეს.
პირველი ტაიმი უგოლოდ დასრულდა, მეორე ტაიმის დაწყებიოდან ცოტა ხანში კი ფლანგიდან შეჭრილი ხვიჩა კვარაცხელია საჯარიმო მოედანზე წააქციეს. ვიდეოში იმდენად კარგად ჩანს დარღვევა, რომ პენალტის დანიშვნა ვიდეორეფერის შემდეგ ეჭვს არ იწვევდა და “ნაპოლიმაც” ანგარიში გახსნა: 0:1.
რასაკვირველია, “მილანი” წაგებას არ შეეგუებოდა და შეტევებმა შედეგი მალე მოიტანა – ანგარიში გათანაბრდა. თუმცა, ფორტუნა რომ აშკარად “ნაპოლის” მხარეს იყო, სიმეონემ დაამტკიცა, როცა მეორე გოლი გაიტანა, ეს გოლი კი გადამწყვეტი აღმოჩნდა.
ხვიჩა კვარაცხელია მატჩის დასრულებამდე ათიოდ წუთით ადრე შეცვალეს, “ნაპოლის” მაყურებელმა ის, როგორც ყოველთვის, ტაშით გააცილა.